|
De Stadt dät noch schlofe,
Wenn die drei sich trofe.
Mer dät noch jet schwaade,
Die eetste Tour fahre.
Dä ein dät mer kenne,
Ne andre dät penne.
Manch einer dät renne,
Doch jeder kumm ahn.
Die Zick vun dä drei op d'r Linie 2,
Die es schon zick langem, zick langem vorbei.
Des morjens, do fuhr mer zosamme erus,
Hück fährt nur noch einer, de Bahn oder Bus.
An d'r Endstation Waldbrück,
Do wod eesch jefröhstöck.
Jekaat noch e Ründche,
E klei Veedelstündche.
Die Mam mit d'r Blaare
Un samt Kinderware
Wod och noch verlaade
Un dann fuhr mer loss.
Die Zick...
Hück kütt mer zwar flöck ahn,
Doch muß mer fies Jlöck han.
Kei Minsch deit d'r sare,
Wie wick de zo fahre.
Du nimms dingen Fahrsching
Un stecks et en de Uhr rin.
Dat Dinge mäht kling kling
Un dann biste bedeent.
Wat is do zo mache?
Do verjeiht dir et Laache.
Die Zeijer der Uhre
Se laufe op Toure.
Die Technik jeiht wigger
Un du kriß de Zidder.
Wann kummen se widder,
Die drei vun d'r 2?