3,02 MB
Mer sitzen des Middachs jewöhnlisch in d'r Küsch,
Weil et do am schönste is.
Dä Finster steiht op, op einmol flüsch en Mösch
Bei ons rin un setz si op d'r Desch.
Eets lurt se rächs, dann lurt se links,
Dann hätt se noh dem Jraubrut jespinks.
"Do sühst et, do häst et!", ming Frau sät "Leeve Mann!
Süsch d'r dat doch bloß ens aan!"
Wie kütt die Mösch, die Mösch, die Mösch
Bei ons in de Küsch
Un setz sisch midden op d'r Desch?
Die Mösch, die Mösch, die Mösch.
Wat will die in d'r Küsch?
En Mösch j'hört in d'r Büsch.
Och, wenn se doch bloß wigger flösch!
Die Mösch, die Mösch, die Mösch.
En Mösch is nit ängstlisch, en Mösch jeiht op d'r Fang,
Wenn se nix ze picke hätt.
Die Mösch, die bei ons wor, die wor bestimmt nit bang,
Die hätt op ons et afjesin alt lang.
Die woß Bescheid, die floch nit fott,
Stundelang soß se om Kaffepott.
Dat mät d'r jewiß keine zweite Vuchel noh
Un mer soße sprachlos do.
Wie kütt...
Se fing an zo fresse, ming Frau sät "Och, wie nett!
Su e Koßhus fehlt d'r jrad!"
Zwei Woche wigger, dann machen isch en Wett,
Dat die paar Pund dann zojenomme hätt.
Hür, wie se piepsch, do wonders disch noch,
Wo kritt die Mösch su jod un fett jekoch?
Die is doheim he, die friß sisch satt un jrink.
Üvverflüssisch, wenn mer sing: